🌻主攻口語訓練，歡迎零基礎學生，幫你無懼使用英文或廣東話 🔥度身訂造課程內容及附有課後筆記，課後如有問題，歡迎私訊～ 👣土生土長香港人，曾居於芬蘭和澳洲，現居巴塞隆那，把世界都呈現給你 🌏開課時間下午4點-凌晨12點(香港時間) *廣東話課程簡介往下拉⬇️⬇️⬇️ 大家好！我係Kallen，我來自香港，我最鍾意旅行同攝影，遊走左亞洲、澳洲、歐洲和南美洲。大學時期，我曾經喺芬蘭做交換生。當我由大學嘅媒體與傳播系畢業後，我搬到去充滿陽光氣息嘅悉尼，一住就係3年。而加，我住係巴塞隆納，學習新聞攝影。旅行同居住喺外國嘅經驗，令我明白到講好英文非常重要，而且會令生活變得更加有趣。有興趣可以睇睇我嘅作品，了解我更多： ig : @the_steel_legs (廣東話）或 https://kallenip.wordpress.com/ （英文) 我擁有唔同嘅教學經驗，至今已經教授過超過三十個學生，睇住佢地由一開始害羞不太敢講到後來侃侃而談，成堂用英語同我對話，呢份滿足感對我來講係不能言喻。除左線上教學外，我曾經係私人家教，亦都係教育中心教小學生同中學生，專門針對學生嘅需要而施教。 🙋‍♀️根據我嘅經驗，學生都有以下三大疑難： ❓我有好多詞彙都唔識，成日諗唔到想用嘅詞語 ➡️唔緊要！我地可以讀下詞彙表，由填詞練習中學習最常用嘅詞彙！ ❓我講不到完整句子呀，點算好？！ ➡️唔緊要！我會先從基本句式結構教你，再舉大量例子，等你熟悉句子結構，教你造句，並一步步從對話中教你砌出完整句子！ ❓我嘅中文口音好重，好多字都唔識讀！ ➡️唔緊要！我有順風耳，會不嫌其煩地改善你嘅發音，我會比你讀一啲有趣且生活化嘅文章，從而令你學到唔同嘅字嘅發音，另外我會播放一啲小短片，等你聽多D英文，掌握語感 。 喺我嘅課堂，我地會專注學習大量詞彙同日常對話，例如：問路、方向、購物、講價、訂枱、點餐，等你可以同外國人暢通無阻咁交流。除此以外，我地可以傾下關於電影、音樂、旅行、文化等等嘅話題，寓興趣於學習語言！ 老師本身都係個語言學習者，現正學習緊西班牙文，所以我完全明白學習語言嘅過程和需要，同時知道無信心講自己唔熟悉嘅語言，擔心講唔好果種感覺。但老師知道要將一門語言講得好，首先要克服呢種感覺，而克服呢種感覺嘅第一步就係要有一個比你可以講得舒服，錯左唔怕比人笑嘅人同你對話，並矯正你嘅錯處，老師相信自己就係呢個可以比你敢講敢錯嘅人。喺課堂入面，我會比你有好多運用英文嘅機會，因為學好一門語言嘅關鍵就係多講多運用，呢個係不二之法！歡迎send message比我了解課程！ 廣東話課程篇 --------------------------------------------------- 🇭🇰除了英文之外，老師亦有教授廣東話。作為一個用廣東話做母語嘅人，我覺得廣東話係一門有趣、好好玩嘅語言，因為廣東話會不斷進化，而且好隨性，所以隨時隨地都會有新用語。我係土生土長嘅香港人，而且熱愛睇舊港產片(無錯，每套許氏三兄弟同周星馳嘅戲，我都睇過不下十次）同埋所有由香港人做嘅節目同所寫嘅文章，所以對過去同最新嘅廣東話用語同文化都暸如指掌，由張國榮、周星馳，再講到陳奕迅、my little airport同熊仔頭，甚至講香港嘅種種生活同去邊度飲飲食食，通通都無問題：） 🙋‍♀️咁究竟上我嘅廣東話堂學啲咩呢？ ❓如果你係從零開始： ➡️ 首先當然是學習最常見詞彙的發音 ➡️ 了解廣東話的基礎詞彙 ➡️ 從情境對話中，學習基本交流，如數數字、問路、點餐 ➡️ 每課的開首先溫習上堂的重點，打好基礎 ❓如果你已有一定基礎，想改進廣東話： ➡️ 播放廣東話影片，從影片中聆聽香港人的對話，從中學習地道詞語，訓練聽力 ➡️ 發音訓練，改善發音 ➡️ 翻譯對話，掌握廣東話的運用 ➡️ 用廣東話看圖說故事 ➡️ 情境對話，學習更多更地道的用語 作為熱愛自己母語嘅香港人，非常高興可以教授廣東語， 歡迎send message比我了解課程！ *由於課程會針對你的需要而訂，請提早跟老師說明你的需求。 *如因有事未能出席課堂，最遲請在課堂前2小時通知老師，老師可協助更改課堂時間，否則恕不退回課堂。另外，如忘記出席課堂，同樣恕不退回課堂。 *請準時出席課堂，謝謝大家合作：）